Hyfforddiant

Yr hyfforddiant y byddwch yn ei dderbyn

I’ch galluogi i wneud eich swydd yn ddiogel ac yn effeithiol, byddwch yn derbyn hyfforddiant o’r radd flaenaf (yn yr ystafell ddosbarth ac yn y swydd) a mentora, a fydd yn eich gweld yn datblygu’r sgiliau a’r wybodaeth sydd eu hangen arnoch i allu:

• Defnyddio sgiliau ymchwiliol a chudd-wybodaeth i ddatrys troseddau
• Delio â materion diogelwch yn y gymuned
• Sicrhau trefn gyhoeddus a diogelwch wrth gefnogi gweithrediadau mawr yr heddlu
• Datblygu dealltwriaeth o dechnolegau newydd
• Cyflawni amcanion plismona cenedlaethol ar lefel gymunedol

Er bod pob llu'n rheoli ei raglen hyfforddi ei hun, fel arfer bydd gennych gymysgedd o:

• Tua 18 – 22 wythnos o hyfforddiant yn yr ystafell ddosbarth – byddwch chi’n dysgu llawer am wahanol agweddau ar blismona, y gyfraith a gweithdrefnau ond peidiwch â phoeni, yn bendant ni fydd yn ddiflas! Fel arfer caiff ei rannu gan sesiynau chwarae rôl a sesiynau ymarferol. 
• Byddwch yn derbyn hyfforddiant cymorth cyntaf a diogelwch personol.
• Byddwch hefyd yn dilyn cwrs gyrru i roi'r sgiliau ar-y-ffordd sydd eu hangen arnoch i wneud eich swydd. 
• Yna byddwch fel arfer yn cael eich neilltuo i diwtor ac yn treulio tua thri mis fel rhan o rota ymateb, gan ddatblygu'ch sgiliau a’ch profiad yn y gwaith, o gymryd datganiadau i sefyllfaoedd llawn tyndra a gwneud eich arestiad cyntaf. 

Ac ar bob cam, byddwch yn cael llawer o gefnogaeth gan eich tiwtoriaid a’r cydweithwyr profiadol y byddwch yn cael eich neilltuo i weithio gyda nhw. Darganfyddwch sut mae Tanya wedi symud ymlaen yn ei gyrfa gyda chefnogaeth ei chydweithwyr a'i mentoriaid - gwyliwch y ffilm.